Facebook мемлекеттің бақылауындағы БАҚ жазбаларына білгі қойып отырады, ал жыл соңында АҚШ-та мемлекеттік БАҚ жарнамасын бұғаттай бастайды. Бұл туралы «Коммерсантъ» жазды.

Компаниядағылардың айтуынша, олар «адамдарға Facebook-тегі жаңалықты кім жазғанын жақсырақ түсінуге көмектескісі келеді».

«Халық оқитын жаңалықтарының мемлекет бақылауындағы БАҚ-қа қатысы бар-жоғын білуі керек», - делінген компанияның хабарламасында.

БАҚ-қа мемлекеттік бақылаудың жүргізіліп-жүргізілмеуін Facebook басылым құрылымына, басшылық пен қызметкерлер туралы ақпаратқа, редакциялық саясат пен ережелерге, сондай-ақ қаржыландыру мен кіріс көздерін негізге ала отырып анықтайды. Егер белгі қойылған ұйым әлеуметтік желінің шешімімен келіспесе, апелляцияға беріп, Facebook-тің іріктеу талаптарына сәйкес қаралатын қосымша құжаттарын ұсына алады.

Біздің Instagram-парақшамызға жазылыңыз